تخارييف .. حنان غانم وحياة حرقة قلبك… يا ام الشهيد

وحياة حرقة قلبك… ياام الشهيد… وحياة دم ابنك.. اللى من بحرى ومن الصعيد …وحرمانه.. من فرحته بعياله يوم العيد وحياة القسم اللى حلف عليه ومات عشانه شهيد …وحياة التراب اللى ادفن فيه.. من غير مايعرف هو استشهد ليه ولصالح مين

وحياة. حرمانك. من حبيبتك …وحسرتها على عريسها اللى رجعلها جتة واتقتلت فرحتها ..وحياة مراتك اللى اترملت واتخرب بيتها. ودموعها على عيالها اللى اتيتموا فى الحتة ..

وحياتك حرمانك من ابنك يا ابوا الشهيد ووجع قلبك وانت بتزفه للتراب بدل ماتزفه للاحباب …وحياة دمك يا شهيد لو ماجيبنا دمك حنبقى عبيد تحت رجلين اللى قتلوك ليوم الدين …وخسارة يتقال علينا مصريين ..شاربين من مية النيل

وحنبقى واطيين ولا حيبقى حد فينا اصيل ..وازاى يتقال علينا مصريين واحنا سايبين دمنا فى ايد الملاعين اللى ماعندهم ريحة الدين ..فوقوا وخدوا دم عيالكم يامصريين