بيتزا السوسيس من مطبخ الشيف رباب
البيتزا من الأكلات المحببة للصغار والكبار وهي مناسبة لكل الأوقات طبعا واليوم تقدم لنا الشيف رباب طريقة عمل البيتزا بالسوسيس.
المقادير :
كيلو دقيق
نصف كوب زيت
كوب زبادى
معلقتين كبيرة سكر
رشه ملح
شويه زعتر وكمون
معلقتين لبن بودر
معلقه خميره فوريه لكن انا عن نفسى باستخدم الخميره العاديه لان الفوريه مش دايما بتكون حلوه.
وماء دافى للعجن ومعلقه خل .
الطريقه :
ضعي الدقيق فى طبق واضيفي عليه الزعتر والسكر والملح والكمون واللبن و الخميره مع التقليب الجيد.
بعد ذلك نضع الزيت ونحاول ندخل الزيت فى الدقيق كويس ونضيف الزبادى واعجن بالميه لحد ما تلم العجينه وادهنا زيت من بره ونعلها كوره ونتركها تخمر.
ولما تخمر شويه اعجنها تانى براحه واسيبها تخمر كمان شوية وبعد كده اجيب الصوانى وابتدى اخد العجينه وافردها فى الصينيه واحط عليها صلصله البيتزا وانا بعملها بفص ثوم واحد فى شويه زيت واحط صلصله عليهم وشويه سكر وزعتر وملح وفلفل وافردها فوق العجينه وحطى بقى عليها الحشوه اللى تعجبك انا هنا عملت كورات صغيره حشيت كل كوره بحشوه مختلفه سوسيس تونه جبنه وسويها على درجه حراراه 200 .
وبالهنا والشفا مع تحيات الشيف رباب.
