ثقافة
رحاب محمد تكتب: حلم جميل
اغمض عيني
انام واحلم
اشوفك غنوة
علي بابي
بدقة قلب
تصفالي
واحس بنسمة
بتنادي ……
تقولي اصحي
تفتح عيني !
اشوف صورتك علي
كتابي
والمح طيفك الوردي
علي رمشي
يقولي حبيبتي
هتنامي ؟
أجيلك تاني في منامك؟
وانام واحلم
الاقيك تاني قدامي
في ايدك شمعه بتقيدها
تنورلي طريق ضلمة
وتبعد حزن ايامي
الاقي عيونك الحلوة
بترسملي ورود طارحة
في بستاني
واطير من لمسة
علي رمشك
احني ايديا من همسك
وتيجي النسمة من تاني
تصحيني ………….
الاقي الفجر بيأذن
فأدعيلك……
تنورلي أمل روحي
ببسمة قلب مرسومة
علي خدودي
تعليق واحد