منوعات
قلبي الحنون .. محمود كابتشو
قلبى الحنون طير من الطيور
فارد جناحه بيحوطه سور
حابس براحه صابه الجنون
عارفين ده مين؟
قلـــــــــبى الحــنــــون
قلبى الحنون أصبح حجر
بعد ما كان ملك البشر
عصفور سجين ودموع هدر
عاش تحت رحمة القدر
تحت المطر وسط الخطر
باب القفص فجأة انفتح
طار والقفص وقع انكسر
وهو طاير انجرح
صمم يطير
وطار لفوق
لحد مالجرح انكوى
جرحو انكتم
نام الالم
منسيش ليوم انه اتظلم
صمم يخون
صمم يهون عليه دموع كل البشر
قلبى الحنون مابقاش سجين
مابقاش خلاص
خادم لحد
عمرى اللى راح
راح يكون فى اى شوق
او اى ود
احساس حزين راح واختفى
احساس جديد جه وانتصر
وده ……..قلبى الحنون
محمود كابتشو
