قدوة لابنتى

 بقلم .دعاء مبارك

افتعل مواقف وللخروج من المواقف امام زوجى اقول حاجات محصلتش او اقول ان والدة زوجى عملت كذا وكذا على غير الحقيقة وفى اغلب الاحيان يحضر ابنى او ابنتى النقاش واطلب شهادتهم

وأقول هى دى الحقيقة وابنى او بنتى يشهدوا معايا خوف منى ولما يعمل ابنى حاجة ولانه خايف منى او من والده كذب اضربه واعنفه واحرمه من المصروف وبأعلى صوت اقوله كله الا الكذب تكذب ليه ؟

لو قلت الحقبقة مش ح ضربك انت مش عارف ان ربنا مش بيحب اللى بيكذب وان رسول الله صل الله عليه وسلم قال لا يكون المؤمن كذاب . مفيش خروج ولا ترفيه لمدة اسبوع سبحان الله كل اللى انتى قولتيه لابنك ده مش بتقوليه لنفسك ليه ؟

وليه كل ام مش بتفكر انها قدوة لأولادها وان ابنها اتعلم الكذب منها لانه شافها بتكذب على والده وانها بتقول حاجات غير الحقيقة عن حماتها اللى هى المفروض انها الام التانية لها اذا كنت بتكذبى وده سلوك برفضه الله ورسوله

بلاش تربى اولادك على الكذب بلاش تطلبى يشهدوا معاكى وانت عرفة انهم ح يكدبوا على فكرة فى البداية بتكلم وكأنى انا الام دى ده لانى عايزة كل ام تاخد بالها من النقطة دى وتحس بالموقف وان بنتها ح تكون صورة تانية منها

وانها ح تكون زوجة متعبة لزوجها ومش ح تعمر بيتها ياريت كل ام تعرف ان فاقد الشىء لا يعطية و تكون قدوة حسنة وطيبة لأولادها وان احتمال رجوعها مطلقة كبير وتعرف انها ح تحصد اللى بتزرعه وتخد بالها ان المجتمع كله ح يحصد اللى بتزرعه

ياريت تعرف ان الرسول صل الله عليه وسلم قال( كلكم راع وكلكم مسئول عن رعيته) صحيح أخرجه البخاري ومسلم وأبو داود والترمذي وأحمد . الى كل ام ومربية اجيال