طلاب مدارس هدى شعراوى والخلفاء بحلوان محاصرون

وصلتنا رسالة من ولي امر احد الطلاب بمجمع مدارس هدى شعراوي والخلفاء بحلوان نعرضها كما هي أمام المسئولين عن التعليم في بلدنا .

نداء لمن يهمه امر اولادنا فى مجمع مدارس هدى شعراوى والخلفاء
 عربة فول بتكون ناصبه الصبح بدرى وواخدة ما لا يقل عن عشرة متر من اول الرصيف اللى هو المكان الوحيد لسير الاولاد بعيدا عن السيارات فى هذا الملف الخطر ……وانا لا ابالغ حينما اقول انه يأخذ ما يزيد عن عشرة امتار عربة ومناضد بكراسى لزوم افطار بعض العمال فى المنطقة ……طبعا العمال بكل اخلاقها الصالح او الطالح ……..مع احترامى لكل العمال …….ناهيك عن وجود موقد غاز لزوم الطعمية والباذنجان…………..
وطبعا واحنا مروحين يوميا بنمشى على بواقى الاطعمة اللى بتكون على الارض
ولو سألنا كانت فين العربية دى ……..هاقولكم كانت فى اول الكوبرى بجوار المحكمة يعنى فى شارع واسع مالناش دعوة لكن لما القسم مشاه من عند الكوبرى علشان المنظر راح ناصب نصبته فى طريق ابناء المدارس
برجاء اللى يعرف يتصرف ……يتصرف …..لوجه الله وعدم حدوث كارثة
.للامانه كان نفسى اعرف اصور البائع صباحا وهو سادد الرصيف لكن واعترف انى خوفت من صاحب العربية ومن حوله من عمال