زوجي يعشق كل نساء الارض الا أنا.. فماذا أفعل؟

زوجي يعشق كل نساء الارض الا أنا نعم هذه حقيقة فانا فتاة متزوجة من شاب يكبرني بحوالي 12 سنة تزوجته بطريقة تقليدية دون قصة حب تجمعنا وبالرغم من انه يراعيني انا واولادي الا انني احس انه ينجذب لاي فتاة او امراة يراها ويحاول ان يتقرب منها ويكون معها صداقة ولو للحظات عابرة.

نعم يا سيدتي مع كل امراة تقع عينه عليها في المواصلات ممكن يتعرف على اللي قاعدة في الكرسي المقابل ، في السوق ممكن يدردش مع الست اللي بتبيع الخضار, وطبعا في الشغل مش ح أقول لك كل ارقام زميلاته على جواله ويكلمونه في كل وقت وفي أي موضوع يستشيرونه في امور كثيرة مهمة وغير مهمة خاصة وعامة .. وكانه تحول الي حلال المشاكل.

يتدخل في خصوصيات كل من يعرفهم والغريب انهن يتجاوبن معه ويحكين له عن مشاكلهن وامورهن الخاصة بالعمل او بالأسرة.

اما على الانترنت وفيس بوك فعنده الاف من الصديقات بنات وبس اللي متجوزة واللي مطلقة واللي انسه وحتي العوانس موجودين بيكلمهم علي النت وساعات في التليفون .

اكتر من مرة لفت نظره ان دا مش طبيعي هو يؤكد لي ان علاقته بيهم صداقة برئية ليس اكتر رغم اني اغير عليه جدا وهو يقسم لي انه يحبني ويحب اولادي وان هذه العلاقات كلها شكلية واجتماعية وان الناس تثق فيه وتفتح قلبها له ولا يقدر ان يخذلهم.

هل هذا طبيعي؟؟ المعذبة ” ريهام “.

وللرد على هذه المشكلة تقول الكاتبة والخبيرة الاجتماعية نادية طاهر:

أختى وحبيبتى ريهام ..فى ناس ربنا خلقها فى الدنيا تحب تتدخل فى كل حاجة وتحشر نفسها فى كل حاجة ويسمونها شخصية اجتماعية ..وده يرجع لقلة المشاكل فى بيته لأن ده معانها أنك موفرة له الحياة السعيدة التى تجعله لا ينعى هم الدنيا ..طالما هو لا يقصر فى حقك ..اذن أنت تفرحى أن الناس تحبه وتحكى له مشاكلها وربنا يقدره ويحلها ..وبعدين اشغليه انت بك أكتر ..يعنى خليكى ذكية ..أول ما تشوفيه رايح يكلم حد على النت البسى له أجمل الثياب ضعى البرفانات ذات الرائحة الجذابة ..كلميه واضحكى معه وداعبيه حتى يتقرب لك ..هو السن حاجز بينكم لأنه حاسس أنك بعيدة عنه ومش قادر يقولك ..اهتمى به أكتر ..شوفيه بيحب أكلة ايه واعمليها له ..شوفيه بيحب ايه فى البيت واعمليه ..صدقينى ..حيحس بك ..