مصر فى صورتها السوداء

كتبت – امال المصري

لما قلت فى اول رمضان ان الأعمال الدرامية التى تعرض فى رمضان من شياطين الدراما بتصور مصر ان معظم بناتها ونسائها عاهرات والدليل على كلامى مسلسل سجن النسا ودور الممثله دره فى تجسيد شخصيه البنت الفقيرة ثم عاهرة ثم قواده تصدر بنات ونساء للبلاد العربيه .

ومسلسلات اخرى مثل كلام على ورق والذي يلقي الضوء على القواد والعاهرات الذى يمثله دور القواد حسين الامام رحمه الله .

والذين يمثلون شخصيات العاهرات هم هيفا وروجينا وغيرهم من الممثلات اللبنانيات .

ومسلسل اكسلانس و دور انتصار فى شخصيه العاهره و القواده معاااا اللى تأتى ببنات للوزراء ويتم تصويريهم معا وغيرهم من المسلسلات الاخرى .

دراما رمضان تسلط الضوء على الدعارة والبلطجة والمخدرات والسحر والشعوذة هى دى مصر ينشروا غسيل قذر على العالم انها بلد العاهرات والمخدات والبلطجة لكن الدراما تتكلم على عساكر وضباط ماتوا رمضان اللى فات .. لا. كل ذنبهم انهم يقيمون بواجبهم فى تأدية الخدمه العسكريه وحماية الوطن.

شوفتوا حد من المنتجين ولا المخرجين عمل دراما عن العساكر ولا الظباط اللى استشهده من قبل او عن عائلاتهم بعد وفاتهم . والناس اللى ماتت خلال السنوات اللى بعد الثوره ومنهم أقباط مصر الذين عاشوا فى رعب وخوف وموت من الارهاب فى صعيد مصر وفى محافظات اخرى . وايضا فى العراق الاقباط الذين يذبحوا حاليا .

كله يلهث وراء المال والشو الاعلامى ويفكر فى نفسه ومصلحته اولا . حتى لو صعوده هيظهر مصر بصورة سوداء وينشرون غسيل قذر ويصدرونه للعالم فى قالب درامى برغم اننا نعلم ان بعض القنوات فلوسها مشبوهه وكثير مننا يعلم هذا الشى هل مصر بالسواد ده .. ما فيش فيها ايجابيات ولا ناس محترمه ولا ناس بتبنى وتعمر وناس بتساعد فى اعمال خيريه كثيره ياريت يقفوا واقفه مع نفسهم .

ويعرفوا أن مصر أكبر وأعظم من كده بكتير بمكانتها وتاريخها العريق

أنتوا شوفتوا اللى حصل فى خلال اسبوع واحد وشهر رمضان الكريم يحصل زلزال مرتين هل ده طبيعى ام  غضب من الله ناتج من افعال البشر .