لحظه فراق

شعر – سيد منيرعطيه

معقوله مات الحنين

جوه قلوب عشقت سنين

فين الحب اللى كان عايش

ويا الزمان

معقوله تاه الزمان

وتغيرت كل الفصول

بعدت المسافات

وكبر الجفا

جوه القلوب

يا ألم حاضن روحى

فين جروحى ؟

معقوله مات الحنين

كنت فاكر حضنك شط الامان

فين لمسه إيديكِ

لما كنا نشتكى لحظه فراق

فين دمعه عنيكِ

ساعه اللقا

كل المشاعر متغربه

وقت الغروب بينتهى الألم

ساعه لقاكِ اجمل حياه

نفسى المشاعر تنط كل الكلام

خلى القلب ينبض كمان

يا عمر عدى قوام

لسه فاكر كل اللى كان

حضنى وحضنك

ولحظه فراق

وساعه اشتياق

يدوب فيها الحنين

تتلا قى كل الحروف

يرتعش الخوف

لحظه ما كنا نبتسم

نرسم بأدينا فوق الرمال حلمنا

نبنى قلوع يبتعد الخوف عننا

فين حنانك ؟

مش لاقى غير الجفا

جف الحنين وتبعترت كل المشاعر

زى حبات الرمل المتغربه

فوق الشطوط

حاضنه حلمنا

نفسى أسألك مليون سؤال

كان حبك نزوه ؟؟

ولا كان هوى عطشان

ارتوى من نبض قلبى وهرب

ويا الزمان كنت عايش جوه منك

دمى هو دمك كنت

فاكرك وطن كنتِ روحى

بسأل الليل الحزين

عن فجرنا البعيد

ليه خايف يعود