العلاقة الجنسية بين الشاب والفتاة محرمة دينيا.. ومرفوضة اجتماعيا.. لكن في كثير من الاحيان يطلب الشاب من حبيبته بعض الامور التي لا تحل له الا بعد الزواج وتقع الفتاة في حيرة هل تقبل وتسلم له نفسها وبالتالي يعتبرها انسانة رخيصة؟ ام ترفض وهنا سيقول عنها انها معقدة وربما يتركها ويبحث عن اخرى؟ نتفق او نختلف حول الموضوع لكنه موجود بالفعل ، ” نيوز بكرا ” طرحت السؤال فكانت الاجابات التالية.
” محمد ابو المجد ” :
يعنى ايه برضو .. المفروض لما واحدة تعجبنى اروح اعمل معها علاقة جنسيه الاول قبل الزواج !!ان قبلتها على نفسي .. لا اقبلها على اختى .. ولا على بنتي .. اعوذ بالله طيب وافرض ان ماعجبنيش الحوار .. وكان قبلى واحد مجرب برضو وماعجبوش .. لو ده حصل كل الشباب هتجرب وتقولك لا لا احبوش مش عجبتنى وفى النهايه البنت هى اللى خسرانه فى كل الظروف … لا اوافق ابدا.
وأضاف الموضوع شائك .. ويختلف من شخص إلى اخر وعلى حسب المبادىء والتربيه وفيه علاقات بين الولد والبنت تطورت قبل الزواج فى فتره الشباب وحصل بينهم تقارب حميم لا ننكر هذا وده موجود وبعد كده اتجوزها وعايشين ححياه سعيده .. بس المثال ده مش موجود بكثرة .. يعنى العكس هو الموجود الان .. والعيب هنا فى الراجل انه بعد ما بيعمل كده بيتصور ان ده اتعمل قبله مع حد تاني .. مع العلم بأن ممكن تكون البنت هي فعلا مؤدبه جدا جد وهى بشر وضعفت معاه بحب وثقه.
” دعواتى لمن أحببت ” :
اولا هو السؤال اجابته واضحه وبترد على نفسها صحيح ان الكلام دا كتر بشكل غريب الايام دي بس هو مش من حقه ان يبني علاقته باللي بيحبها على موافقتها ولا رفضها لان الحب اكبر من كل دا ومش معنى انها ترفض يبئى معقده وليه متكونش بتحافظ على نفسها وعليه الشخص اللي بيبني علاقته بالانسانه اللي بيرتبط بيها على الموضوع دا يبئا مش هو اللي هيقدر يحافظ عليها ويصونها كله بالحلال احلى واللي شرعه ربنا مفيش راي هيعلى عن راي ربنا الكلام دا محتوم .
حتى لو وافقته وحصل وبعد كده اتجوزوا بس عليهم ذنب و وزر كبييييير لازم يعترفوا بيه بس انا من رايي انها ترفض وترفض ولو سابها دا يبئا ربنا كرمها لان مش هو دا اللي يستاهلها وهيادرها الحياة بعد الزواج بتبئا كلها مسئوليات مش هتقتصر على كده ولازم اي واحده تعرف ان قيتها عند ربنا اغلى من كده يعن اكيد هيعوضها بالخير والاحسن وان لو علاقه اتبنت من الاساس على الحاجه دي طبيعي ان فيوم من الايام مش هيقدروا يكملوا ولو كملوا هيبئوا مش مرتاحييين مع بعض الكلام دا مش كلامي دا واقع بشوفه حولي ودايما بدعي ربنا يرزقني بالزوج الصالح اللي يتقي الله فيا وياريت كل بنت تدعي بكده وربنا يصلح الحال ان شاء الله
وأضافت : اي رد غير كده هنبئا بنضحك على نفسنا الحياة الاسرية اكبر واسمى من كده والله بلاش كل واحد يعلق ضعفه وعدم ايمانه وقوة ارادته على الحب الحب حاجه جميلة على فكرة وهي اساس الحياة والكون ربنا يرزقنا كلنا بالحب الحلال ان شاء الله
” sonia liverpool ” :
مستحيل قبل الزواج , إذا كان حقا يحبها ويحترمها سينتظر إلى أن تصبح زوجته فى المستقبل ,حقا انا لا أوافق لأنه لا يوجد ضمان على الإطلاق
” ahmed al tartoor ” :
اليوم هو العيد ال25 لزواجى ومرت الحياة بحلوها ومرها ولكن ما في احلى من الزواج بعد هيك اعمل ما احل الله لك( الحلال ارضيته واسعة )
” سمير أبو السعود (صحفى ) ” :
من وجهة نظرى من هذا الامر الا تسلم نفسها ابدا لحبيبها وان تريحة بانها ملك لة ليلا ونهارا بعد الزواج وهذة طبيعة الانسان ان يتعجل الامور ويهيء لة الشيطان ما هو بعيد عنه قليلا لان اذا فقدت البنت واقصد هنا الحبيبة ما تملك فقد سقطت من قلب حبيبها وإن لن يبدى لها ذلك .
” Nivin Mahmoud ” :
الموضوع حساس جدا السؤال فيه بالنسبة للمجتمع الشرقى اللى للأسف دايما بيدفن راسه فالرمل زى النعام لكن لو بصيت للواقع هتلاقى ان اكتر المجتمعات اللى بتمنع الجنس هى اكتر المجتمعات اللى بيمارس فيها الجنس بدون زواج
دة بيختلف من بنت للتانية حسب مبادئها وحسب ثقتها فيه وحسب معرفتها بشخصيته هيحكم عليها ازاى , ومحدش يقدر يحكم انها لو عملت كدة تبقى مش كويسة ولو ماعملتش تبقى كويسة محدش فينا ملاك
فى علاقات كتير بتفشل بعد الجواز بسبب الجنس , ولذلك برة فالغرب بيعيشوا مع بعض الاول ويتأكدوا انهم متفاهمين فكل حاجة بالسنين وبعدها يتجوزوا وزواجهم بينجح
ليه حاليا اغلب الرجالة بعد الجواز بيخونوا زوجاتهم واللى بيتجوز عليها عرفى واللى بيتجوز شرعى اتنين وتلاتة ؟ لو سألت اى حد فيهم لو جاوبك بصراحة هيقولك بسبب الجنس , لانه اكتشف بعد الجواز انه مش مرتاح معاها فالعلاقة الجنسية ودة مكنش ظاهر طبعا قبل الجواز وبيروح يدور على علاقة تانية , وبردو دة اغلب اسباب الطلاق للأسف !! الموضوع لو حللناه بموضوعية هتلاقى انه له مميزات ومحرم فنفس الوقت وعمرنا ما هنوصل لحل ليه فمجتمع شرقى
وأضافت : فى جوازات كتيييييييير اوى حصلت كان حصل بينهم كدة قبل الجواز واتجوزوا , الرجالة كمان تفكيرها بيختلف وكل واحد بيقدر يحكم هل البنت اللى معاه معاه هو بس كدة ولا مع كل الناس ( ومابقولش بردو ان دة صح)
يعنى مش معنى ان لو حتى وحدة أخطات وعملت كدة تسيبه وتقول خلاص الجواز هيبقى فاشل لا الاحسن انها تتجوزه عالاقل يكفروا عن ذنبهم طالما فى حب بجد واحنا مش ملايكة كلنا ممكن نخطىء حتى لو اختلفت الأخطاء.
أرحم من حاجات تانية
وأضافت احنا للأسف عايشين في زمن فتنة جبارة , زمن الجنس فيه بين الرجل والمرأة ارحم بكتير من اللواط والسحاق اللى انتشر بشكل رهيب فمجتمعنا وسامحونى على جراتى بس دى الحقيقة , وزمن فيه الشاب بقى بيوصل للأربعين من غير جواز ومن غير شقة حتى وهو خاطب , طبيعى انه يطلب كدة من خطيبته او عالاقل يجس نبضها و وطبيعى هى لو بتحبه هتقلق وتخاف انها لو مانفذتش طلبه يخونها مع وحدة تانية لانه بشر , بس فالأول وفالأخر عمرنا ماهنقدر نحل المشكلة او نحطلها قواعد لانها بتختلف من كل بنت للتانية وحسب درجة تدينها وقوة ايمانها وحسب ثقتها فيه لو مابصتلهاش من الناحية الدينية
وعلى فكرة مش معنى انى قلت ان فى جوازات كتير اوى حصلت ونجحت بعد ما حصل بينهم علاقة جنسية قبل الزواج انها بردو تعمل كدة لانها ( خايفة تخسره ) !, لو هو ممكن يسيبها عشان رفضت دة مايبقاش اصلا الراجل اللى يستاهلها واكرملها انها تسيبه وهى اللى كسبانة , لان دة معناه انها بالنسباله مجرد جسد وبس ودة بعيد اوى عن الحب لو هنتكلم فالحب
العلاقة الجنسية بين الشاب والفتاة محرمة دينيا.. ومرفوضة اجتماعيا.. لكن في كثير من الاحيان يطلب الشاب من حبيبته بعض الامور التي لا تحل له الا بعد الزواج وتقع الفتاة في حيرة هل تقبل وتسلم له نفسها وبالتالي يعتبرها انسانة رخيصة؟ ام ترفض وهنا سيقول عنها انها معقدة وربما يتركها ويبحث عن اخرى؟ نتفق او نختلف حول الموضوع لكنه موجود بالفعل ، ” نيوز بكرا ” طرحت السؤال فكانت الاجابات التالية.
