كيكه الشكولاته فى الخلاط من مطبخ عبير سيد
نيوز بكرا – القاهرة
نقدم لكم اليوم وصفة وطريقة عمل كيكه الشكولاته فى الخلاط من مطبخ عبير سيد بمكونات ومقادير سهلة ومتوفرة وفي خلال أقل من ساعة تكون جاهزة للتقديم حيث تستغرق مدة التحضير 15 دقيقة ومدة الطهي 40 دقيقة.
مقادير كيكة الشكولاته في الخلاط
2 كوب دقيق
كوب وربع سكر
كوب لبن
نصف كوب زيت
3بيضات
2معلقه كبيره كاكاو خام اسبانى
كيس بكنج بودر او معلقه كبيره
معلقه صغيره فانيليا
2 معلقه كبيره خل ابيض
طريقة عمل كيكة الشوكلاته في الخلاط
أولا ننخل الدقيق مع البكنج بودر والكاكاو كويس جدا
بعد كده نضع فى الخلاط البيض والفانيليا والزيت والسكر واللبن ونضربهم مع بعض كويس بعد كده نضيف الخليط على الدقيق ونقلبهم مع بعض كويس.
واخر حاجه ننزل بالخل مهم جدا اضافه الخل اخر حاجه علشان هو اللى بيخلى الكيك هاش جدا.
ننزل بالخليط فى صاج مقاس 30*40 او اكبر صنيه مستطيله عندك نفرد الخليط كويس فى الصاج وندخله الفرن ساخن مسبقا فى الرف اللى فوق لمده 40 دقيقه.
بعد ما تخرج من الفرن نسبها تبرد خالص بعد كده نسقيها بكوب اللبن ونفرد عليها الكريم شانته وصوص الشكولاته وندخلها الثلاجه لمده ساعتين وتطلعيها تقطعيها زى ما انتى عايزه
مقادير الشراب
- كوب لبن 200 مللى لعمل صوص الشكولاته
- كوب الا ربع لبن
- نصف كوب سكر
- نصف كوب كاكاوخام اسبانى
- ربع كوب زيت يكون نوعه كويس
الطريقة
نقلب كل المقادير مع بعضها ونحطها على النار مع التقليب المستمر واول ما تدخل فى الغليان نطفى النار ونسبها ترد خالص.
لعمل الكريم شانتيه 125 جرام كريم شانتيه و2معلقه كبيره سكر بودر نصف معلقه صغيره كاكاو خام كوب وربع ميه ساقعه
نضرب كل المقادير بالمضرب الكهربائى لحد ما الكريم شانتيه قوامه يتقل معانا.
