طريقة عمل الكوارع المسلوقة من مطبخ أمنية مرجان

اليوم تقدم الشيف أمنية مرجان لقارئات جريدة نيوز بكرا طريقة عمل الكوارع بخطوات سهلة وبسيطة للغاية.

المقادير :

– كوارع حسب العدد
– بصل،ورق لورا،حبهان.
– فلفل اسود صحيح عشان ميخليش الشوربة لونها غامق ولو مفيش مش ضروري
للتنضيف
– خل،دقيق

ط‌ريقة عمل الكوارع

– اول حاجة هنجيب الكوارع بيضه ومتنضفه وخلي الجزار يقطعهالك .
– بعدين هنغسلها بخل ودقيق كويس جدا ولو فيها شعر هنشيله.
– هنغسلها بدقيق والخل بايدينا كويس جدا ونحطها تحت مياه الحنفيه وهي شغالة –
– نشطفها بايدينا كويس اوي عشان الزفاره .
– بعد كده نحطها في مصفاه نصفيها ونحط حلة علي النار فيها مقدار كافي من المياه تغلي.
– وبعدين نحط فيها ورق لورا وحبهان وفلفل اسود بسيط جدا وبصل.
– نحط الكوارع ونغطي عليها وكل ما المياه تنقص هنزود مياه بس مياه سخنه.
– اوعي تحطي مياه ساقعه أو ملح الملح ده هنحطه لم تستوي في النهاية لانها بتاخد سوي كتيرر يعني لو هتعزمي حد عليها تعمليها قبلها بيوم ولو ليكم تجهزيها اول ما تصحي قبل الفطار.
– لما تستوي حطي الملح وقلبيها وعند التقديم هطلعي الكوارع وتصفي الشوربه واعملي جنبها فته.
وصحة وهنا على قلوبكم