بالفيديو .. السيسي: الوضع الاقتصادي في مصر صعب جدًا

أكد نائب رئيس مجلس الوزراء وزير الدفاع المصري عبد الفتاح السيسي اليوم الخميس 6 مارس أن الوضع الاقتصادي في مصر في غاية الصعوبة.

وأضاف السيسي، الذي كان يتحدث في المؤتمر السنوي الثاني لشباب الأطباء وحديثي التخرج، أن “ظروف مصر الاقتصادية بكل إخلاص وبكل فهم صعبة جدًا”.

وأشار إلى أن “ميزانية مصر، بعد دفع الفوائد وخدمة الدين والدعم، تبلغ 165 مليار جنيه، وهي كل ما تبقى للتعليم والصحة والإسكان وكل احتياجات الدولة، فيما نحتاج أن يكون هذا الرقم 3000 مليار جنيه”.

وتابع: «يا ترى حد قال أدي لمصر شهر من عندي علشان الغلابة تعيش، يا ترى حد قال همشي على رجلي علشان أوفر حاجة لبلدي؟».

وواصل السيسي حديثه، قائلا: «أوعوا تزعلوا مني أنا شايف مصر زي ما أنا شايفكم وشايف مشاكلها زي ما شايفكم، البلاد لا تتقدم بالكلام ولكن تتقدم بالعمل والمثابرة، ممكن جيل أو اتنين يتظلموا علشان الباقي يعيش».

وأوضح: «لازم نعرف المرض علشان نعرف تعالجه، عمر مشاكل الدول تتحل في يوم وليلة، ولكن بياخد سنين سواء نجاح أو فشل».

وخاطب الشباب بقوله: «إنتم الأمل، عايزين خدمة طبية حقيقية وخريطة حقيقية للأمراض في مصر، ويكون عندنا بحث علمي محترم معندناش خيار إن كل حاجة ممكن نجيبها من الخارج، فقدراتنا الاقتصادية لا تتحمل».

وطالب المواطنين بـ«التوقف كثيرا أمام ظروف مصر».