تخاريف حنان غانم ..مجرد سؤووال

مين اللى قتلك ياجندى ……..فى الميدان؟ فى ليلة من ليالى رمضان …قتلك ساعة الفطار …..والبلحة فى حنكك تبكى وتحتار… من ظلم الانسان لاخوه الانسان ………..مين اللى قتلك ياجندى فى الميدان؟؟؟؟

مين هيجيب لبنتك الفستان ؟؟ تلبسه على العيد.ولابنك اللعبة الحصان .. ويفرحوا ……زيهم…زى كل العيال .واختك اللى مستنياك تقولك وتحكيلك عن خطيبها اللى مستنى هناك.. .وحبيبتك تجرى عليك بقلب كله شوق وحب ليك تقولك والله كنت مفتقداك ليه تسيبنى وانا محتاجاك…..

وامك اللى بتحضر لفرحك وتعزم الناس ….تجيلها محمول على الاكتاف …والناس بدل ماتهنيها …………يبكوا معها ويواسوها …..وتقول مين اللى قتلك وقتلنى معاك ياضنايا …ماتت حياتى . بموتك …….ويحرم عليا فرحتى بااخواتك …غير لما اخد بتارك ..من اللى خانك و قتلك انت ورفئاتك …مين اللى قتلك ياجندى فى الميدان ..وقت الادان ..وغدر بيك وخلى اهلك ..يعيشوا فى احزان تخاريف كاتبة حنان غانم………..