الشباب للرئيس : هو خيرت الشاطر معاه باسوورد أكاونت تويتر بتاعك؟
قرر الرئيس محمد مرسى التواصل مع شباب مصر على حسابة الخاص بتويتر للرد على كافة الاستفسارات من الساعة 9 إلى 9.30 وذلك عبر هاشتاق باسم:«اسأل_الرئيس_مرسى».
ووجه عدد من الشباب تساؤلات للرئيس مرسى،فيما قال البعض أن: مرسى عامل الهاشتاج دا أصلا عشان يلم المعارضة.. لا تسأل لا تسأل.. السؤال فيه سم قاتل.. دا كمين يا جدعان محدش يكتب عشان هيجبونا بعد ما نكتب هكذا بدأ رواد تويتر فى التغريد والتعليق على استقبال مرسى لاستفساراتهم عبر «تويتر».
ومن أشد التعليقات التى عبرت عن «أخونة الدولة» التى يتهم الكثير من السياسيون والمعارضة الرئيس بالعمل على «أخونة» مفاصل الدولة: هو حضرتك متأكد الهاشتاج صحيح مش المفروض # اسأل _ الرئيس _ الشاطر.. جبت خيرت معاك عشان يجاوبلك ولاانت مديله الباسورد والهاندل.
مرسى الفنان يقول ايه لمرسى الانسان.. مرسى الإخوان يقول أيه لمرسى الإنسان ؟.. مرسى يا استبن بكرة هترجع السجن.. مرسى ومنصب الرئيس دونت ميكس.. طمنا على القرداتى يا ريس ؟ ..هكذا جاءت استفسارات ساخرة من بعض الشباب المصرى للرئيس مرسى عبر حسابه على «تويتر».
فيما وجه عدد من الشباب أسئلة جادة ومنها « فين ياريس أعادة المحاكمات. فين حقوق الشهداء.اتقى الله فين يا مرسي. شهوة السلطه وحشه والحساب دنيا واخره».. فى عهدك الجوامع بقت مستباحه تحاصر بالـ 14 ساعه وتقتحم وتقطع المصاحف ولم يحدث اى تدخل او تحقيق.. تتعرض الكنائس للهجوم والاقباط للسباب فى الاعلام ولا نرى حماية من سيادتكم .. أهذا وعدك للاقلية يوم فوزكم؟
الرئيس مرسى هيرد علينا بكرة عشان الراجل اللى واخد منه الوصله بيقطع النت بعد العشاء.. هكذا جاء تعليق أحد النشطاء تعقيباً على رد مرسى على تساؤلات الشباب صباح الغد.
ياريس مضطرة أقولك أن مش النوايا الطيبه بس بتكون كافيه وانت مش مجرد بتفرط فى حقك انت فرطت فى حقنا كلنا.. هكذا عبرت مصرية عن معاناتها ولخصتها فى تغريدة وجهتها لمرسى، وهى لا تنتظر الرد منه.
