اكتشف سر قوة شبكات التواصل الجتماعي

بقلم – أمجد البصري *

في ديسمبر 2013 سافرت “جاستن ساكو” مديرة العلاقات العامة في واحدة من أكبر شركات الميديا في أمريكا، سافرت من أمريكا إلى جنوب أفريقيا في مهمة عمل، وقبل ما تقفل الموبايل وهي داخلة الطيارة كتبت التويتة الموجودة في الصورة في الصوره ادناه ،وكاتبه فيها ، “أنا مسافرة أفريقيا، يارب مايجينى إيدز، بهزر على فكرة، أنا إمرأة بيضاء “. وقفلت الموبايل وفتحت نظام الترفيه على الطيارة، والرحله كانت مدتها 12 ساعة.
وجاستن في الطيارة إبتدت التويتة دي تنتشر بهدوء وثقة وبشكل مطرد في أنحاء أمريكا أولاً ومن خلال تويتر، على أنها أغبى تويتة عنصرية ممكن تكتبها مديرة علاقات عامة في الدنيا، وإنها بتهزأ بالناس بشكل عنصري
وبعدين إبتدى يحصل شيء مش مفهوم وغضب عالمي على الإنترنت بشكل عام في كل أنحاء العالم، لدرجة إن تقريباً ناس من دول العالم أجمع كانت متابعة وصول الحاجة جاستن وعملولها هاشتاج إسمه ‪#‎HasJustineLandedYet‬ لمتابعة وصول البرنسيسة ومتابعة رد فعلها، الهاشتاج ده عمل trending على Twitter في أنحاء العالم بشكل كبير جدا
الكوميدي إن أشهر البرامج الكوميدية في أمريكا إتكلمت عن الموضوع في ليلتها، وأبرز الصحف الأمريكية والبريطانية حطت الخبر أونلاين، ومجموعات دعم مرضى الإيدز لمت تبرعات على حس الموضوع، والكوميدي أكتر إن طيار من الطيارين كان بيتحرك بالطيارة وعرف الموضوع، فقال للركاب في الإذاعة الداخلية للطيارة، “نرجو من الركاب غلق هواتقهم ويخلوا بالهم ميبعتوش حاجات هبلة قبل ما يقفلوها!” بل إن أحد الصحف الهامة في أمريكا، كتبت خبر بعنوان إن العالم عمره ما إنتظر هبوط رحلة جوية بالترقب الرهيب ده من أيام أبولو 13، كله ده والعمة جاستن في الطيارة بتلعب سناك على الموبايل
اللي حصل بعد كده إن الأخت أول لما نزلت جالها صدمة نفسية وحذفت كل حساباتها من على الإنترنت، وشركتها رفدتها وقدمت إعتذار رسمي، وبعدها بيومين جاستن قدمت إعتذار رسمي، بس ده مش مهم، المهم إن الخبر إنتشر حوالين العالم في أقل من تلات ساعات

* كاتب وناشط سوداني متخصص في السوشيال ميديا