اتغدى معانا ..كبدة اسكندراني سبايسي

من المعروف ان الكبده مفيده جدا لاحتواءها على نسبه عاليه من الحديد وينصح باكلها مرتين فى الاسبوع وخصوصا السيدات اللاتي يعانين من نقص فى الحديد والانيميا والحوامل كما انها مفيده جدا للاطفال وسهله فى اعدادها وكمان سهله فى اكلها .

واليوم تقدم لنا الشيف رباب طريقة سهلة ووميزة لعمل الكبدة الاسكندراني
المقادير :

نصف كيلو كبده كندوز او بتلو متقطعه شرايح رفيعه

ليمونه وملح وفلفل و5 فصوص ثوم

فلفل رومى واللى بيحب الفلفل حار مفيش مانع بتكون احلى واحلى وبقدونس

• الطريقه :

نحضر الكبده ونعصر عليها الليمون وكمان نفرم الثوم ونضعه عليها والملح والفلفل ونسيبهم شويه وبعد كده نحضر طاسه ونحط فيها شويه زيت ونجيب الفلفل ونقطعه شرايح بردوا ونقلبه فى الزيت لحد ما ريحته تطلع بس ما يتحمرش ونحط معاه فص ثوم وبعد كده ننزل الكبده وتكون النار عاليه ونقلب لمده 5 دقايق ونطفى النار ونرش البقدونس المفروم فوقها

وتقدم مع سلطة الطحينة ووبالهنا والشفا مع تحيات الشيف رباب