أخبار عاجلةثقافة
أنا الشـــــــــاطــــــر وأنا الأسطى
بقلم – أبوالمجد البحيري
أنا الشـــــــــاطــــــر
وأنا الأسطى
وأنا اللى بأحدد الواسطة
وأنا اللى باقول على كيفى
وإيمتى ألغى حقوق ضيفى
وضيفى…
ولادك التايهين على أرضك
يا ويل عرضك
من اللى جاى ومن بكره
دا انا ح امسح لك الذكرى
وراح أمحى حروف اسمك
وأقطّع من سكات جسمك
وابيعك بالدينار والسنت
يا شرف البنت متبعتر
على دقنك
وإيه شأنك
دا انا سيدك
أنا اللى جاى
أنا بكره
فطاوعينى
لأنك عشتِ من غير دين
وموتك…..
من أصول دينى
